Reakshonando riba publikashon di e konferecia di prensa ku a tuma luga recien relashona ku e pustamentu semanal riba Kaya Ir. Randolph Statius van Eps mi ke ekspresa mi asombro riba loke hefe di KPCN Hildegard Buitink a mustra prensa riba dje. E señora ta hanja ku ta usa palabra i ekspreshonnan hopi insolente kontra polis. Algu ku ta parse mi hopi straño mes.
Pa kompronde otro lo ta bon si señora Buitink meshona e palabra i ekspreshonnan hopi insolente ku a ser usa riba media social ku ta ser konsidera komo mina di outoridat. Ku bista riba esey, referiendo na e sentecia di Korte Supremo ku ta bisa:
“Belediging van een ambtenaar tijdens of wegens de rechtmatige uitoefening van zijn functie: de Hoge Raad heeft op 22 september 2009 geoordeeld dat uitlatingen van de woorden “sukkels”, “klootzakken”, “losers” en “kankerlijers” tegenover het openbaar gezag onder omstandigheden beledigend en dus strafbaar zijn (zie HR 22 september 2009, LJN BI5623).” (Wikipedia)
Tipo di palabra i ekspreshonnan asina a keda usa den direkshon personbal di señora Buitink of su secudarionan? Ademas di esey si te na ora mes ku riba media social ta usa sierto palabra i ekspreshonan ta e pregunta ku esaki tin e tendencia den su konteksto pa desbarata polis i danja nomber di kwalkier di e ambtenaarnan individual.
Aparentemente hari tambe por ser konsidera komo insolente (conclusie Procureur-Generaal Hoge Raad der Nederlanden AA9745).
Aho si pinta un karikatura di un baka ku pechi di polis riba su kabez, esey ta insolente? Kon nos ta jama e eksprshonnan di Wilders i varios otro? Tambe ta bon pa duna splikashon si e sirkumstansha, ku polis a usa arma (e.o. los tiro ku pistol, pepperspray i otro medionan violensha), den su konteksto ta hustifiká e palabra i ekspreshonnan den e propocion ku segun señora Buitink ta konsidera komo insolente. Echo ta ku polis a los mas ku dos tiro i usa otro medidanan. Ministerio Publiko lo hasi investigashon si esey tabata nesesario?
Meskos ku na Hulanda ekspreshon liber tambe na Bonaire ta algu sagrado. Si kwalke persona of outoridat sinti su mes ofendi e kaminda ta ampliamente habri pa hasi denucia serka husticia. No solamente polis pero tin mas aparato gobermental ku NO TA DEUGD.
Ta bon pa señora Buiting realisa ku e base riba kwal e ta na Bonaire ta un akwerdo politiko sin ku a konsulta e pueblo di Bonaire.
William Anthony 